Moorcroft Manor in Himeville is perfek geleë om u genoeg rus te gee, maar terselfdertyd is dit omring deur plekke wat aktiwiteite aanbied vir jonk en oud. Binne ‘n enkele ervaring kan u warm luuksheid en die skoonheid van die ongerepte natuur ondervind deur bloot uit te stap op die stoep. Daar is ook ‘n kroegsitkamer en ‘n restaurant op die perseel.

Kamers
Die akkommodasie bestaan uit elegant gemeubileerde kamers, almal met ensuite badkamers. Kies uit standaard dubbelkamers of verskillende tipes suites. Ons kamers en badkamers het ondervloerse verhitting om die winterkoue weg te hou en is toegerus met toegang tot internet, DSTV, plafonwaaiers, haardroërs, kamerjasse en tee / koffie fasiliteite. Elke kamer het sy eie aangrensende privaat patio wat na die grasperke en die rotspoel lei, met 'n onbelemmerde uitsig van die Hodgsons-pieke en die soms sneeubedekte bergtoppe van die Lesotho-koninkryk. In die geval van 'n kragonderbreking, sal 'n groot kragopwekker verseker dat u ononderbroke elektriese voorsiening het.

Aktiwiteite
Moorcroft Manor is aan die voet van die Drakensberge geleë en is die perfekte basis vir die verkenning van die pragtige landelike omgewing met sy ryk natuurskoon en geskiedenis. Die bekende Sani-pas kan in u eie 4-trek voertuig of met 'n toeroperateur (bring u paspoort) uitgery word. Aan die bopunt van die pas kan u die hoogste kroeg in Afrika en outentieke plattelandse dorpe besoek. ‘n Besoek aan die sendingstasie, Reichenau Mission, is die moeite werd. Ander aktiwiteite beskikbaar in die area is perdry, vlieghengel, fietsry, voëlkyk, Boesmantekeninge en kulturele en sportbyeenkomste. Gaste wat met hul eie vliegtuie op die vliegveld Himeville (5 km hiervandaan) aankom, sal na en van Moorcroft Manor vervoer word.

Gesondheid en skoonheid
Gaste wat die rustiger dinge in die lewe geniet, wil dalk net ontspan met 'n boek in ons sitkamer, in ons tuine wandel, of ontspan met 'n terapeutiese massering of een van die verskeidenheid terapieë wat in die omgewing beskikbaar is. Ons personeel sal u adviseer oor die moontlikhede sodat u die nodige reëlings kan tref.