The Merry Crab is in Munster geleë en bied gerieflike selfsorgverblyf in die luisterryke tropiese plantegroei van die natuurreservaat binne 'n bekoorlike, veilige vakansie-oord. 'n Skaduryke paadjie, bewoon deur duikers en dassies, lei deur die Admiralty Marine Reservaat na die strand en die warm Indiese Oseaan.

Met aankoms sal jy ontvang word deur ons behulpsame en vriendelike personeel, wat jou sal bystaan met veilige parkeerplek van die straat af en jou na jou akkommodasie sal neem. Ons bied verblyf in eenslaapkamer-ateljeewoonstelle, eenslaapkamer-huisies ("casitas") en cabanas met 'n en suite-stort en toilet. Die eenhede word daagliks in die oggend skoongemaak en is toegerus met stowe, yskaste, mikrogolwe, eetgerei en breekware. Linne en badhanddoeke word ook voorsien en gaste moet hulle eie strandhanddoeke saambring. Die kamers is ook toegerus met sekere DStv-kanale, oorhoofse plafonwaaiers en elke eenheid het toegang tot 'n privaat sondek en braaigeriewe.

Die oord het 'n ontvangs, leefkamer en onthaalarea waar gaste kan lees, bordspeletjies speel en TV kyk. Daar is 'n omheinde swembad met sonstoele langsaan die sitkamer. Die Potjie Boma is 'n groot grasdak-lapa met sy eie braaigeriewe en 'n pizza-oond, ideaal vir braai en partytjies, kom wind of weer.

Ons is die ideale wegbreekplek vir paartjies, gesinne en klein groepe met ‘n maksimum van 40 mense, insluitende kinders. Doendinge in die omgewing sluit perdry, vierwielmotorfietsritte, diepsee-hengel en skubaduik by Shelley Beach in.

The Merry Crab is gerieflik naby die strand geleë en is net 15 minutes van Port Edward af, 10 minute van die Wilde Kus Casino, 15 minute van Margate lughawe en ongeveer 2 uur van King Shaka Internasionale Lughawe, Durban.


Akkommodasie:

Die Ateljee het slaapplek vir 2 volwassenes.

Die Casita het slaapplek vir 2 volwassenes en 2 kinders onder 12 jaar. Dit is nie gepas vir 4 volwasse gaste nie.

Die Cabana het slaapplek vir 4 volwassenes en 2 kinders onder 12 jaar in 2 slaapkamers. Dit is nie gepas vir 6 volwasse gaste nie.


Restaurante:
Daar is verskeie opsies, almal binne 5 to 15 minute per motor vanaf die oord.


Vanaf Durban:
- N2 Suid Kus (verby Port Shepstone) na Munster (7km voor Port Edward)
- N2 word die R61 by Southbroom

Vanaf East London:
- na Port St. Johns afdraai by Brooksnek
- R61 na Bizana daarna Port Edward na Munster (7km na Port Edward)


Betalingsterme

50%-deposito word vereis om die bespreking te bevestig en die balans 10 dae voor inklokdatum.

100% word vereis indien die bespreking 30 dae voor die inklokdatum gemaak word en ten opsigte van enige bespreking in SPITS SEISOEN.

Enige inloop gas moet die volle fooi betaal by aankoms.

Waar ‘n betaling nie betyds gemaak word nie, word die reg voorbehou om die bespreking onmiddellik te kanselleer.


Kansellasiebeleid:
Kansellasie by aankoms of gedurende verblyf – 100% fooi word verbeur
Kansellasie 0 tot 14 dae voor aankoms - 100% fooi word verbeur.
Kansellasie 15 tot 28 dae voor aankoms - 50% van fooi word verbeur.
Kansellasie 28+dae voor aankoms – 25% van fooi word verbeur.
Meer as 8 weke kennisgewing - volledige terugbetaling.


Op skriftelike bevestiging van kansellasie van ‘n bespreking met bank besonderhede vir terugbetaling, sal die betrokke bedrag binne 5 werksdae terugbetaal word.

‘n Heffing van 7% administrasie fooi word gehef op terugbetalings. Indien ‘n terugbetaling na a SWIFT rekening gedoen moet word, word ‘n addisionele R185 gehef.

Geen krediet kaart fasiliteite is beskikbaar nie

Aankoms en Vertrek Tye
· Inkloktyd op dag van aankoms: 14h00
· Uitkloktyd op vertrek datum: 10h00

Gratifikasie fooi (‘tips’)
Werknemers in die toerisme bedryf maak staat op gratifikasie fooie om hulle inkomste aan te vul, maar dit is natuurlik uitsluitlik afhangend daarvan of gaste tevrede en gelukkig was met die diens wat hulle ontvang het.