Hierdie goed toegeruste woonstel het sy eie ingang en het twee slaapkamers. Die een met 'n koningins-grootte bed en die ander een met twee enkelbeddens. Daar is ook 'n dubbelslaapbank in die woongebied - ideaal vir twee kleiner kinders, of een ekstra volwasse persoon. Die woonvertrek lei na 'n groot stoep met 'n weberbraaier en verder na 'n tuin met 'n heerlike leefruimte en wonderlike see- en berg-uitsig.

Dit is 2 minute se stap na die hoofstrand met restaurante, 'n hawe en strand-dorp. Gordonsbaai bied wonderlike en veilige strande, hengel, twee hawens en 'n strand-dorpie, skilderagtige ritte, walvis-kyk in seisoen, 'n verskeidenheid restaurante en uitstekende winkels.

Gordonsbaai is slegs 35 minute reistyd vanaf die Internasionale Lughawe, 40 minute na die middestad van Kaapstad met sy aanloklikhede, Franchhoek, Natuur-reservate en baie gholfbane. Dit word deur die pragtige Hottentots Hollandberge omring en kyk uit oor Valsbaai, na Tafelberg en die Skiereiland