Die luukse Lalapanzi Lodge is Verskuil in 600 akkers met wingerde, bosse en fynbos, buite Kaapstad, Suid Afrika. Ontsnap na die vrede en kalmte van die ongerepte omgewing van die natuur, met die gerief om naby aan Somerset-Wes te wees. Selfs as u nie die landgoed verlaat nie, sal u geen probleem tot vermaak hê nie. Gaan vir 'n rustige wandeling op ons denneplaas. Koel af in die swemplek en ontspan op die balkon van die hoofhuis met 'n glas wyn van 'n plaaslike wynkelder.  Dan kan u ook die arende, 'n groot verskeidenheid valke, ander roofvoëls, asook plaaslike wildsoorte besigtig.

Verblyf
Die hoofhuis is ontwerp met die oog op die stylbewuste gas. Die kamers is eenvoudig, modern en stylvol, maar tog word die warmte en karakter van 'n soliede houthuis behou. Die hoofhuis spog nou met vier luukse slaapkamers met privaat badkamers en een luukse stel kamers waarby 'n stewige of ligte ontbyt ingesluit is    

Luukse Dubbelkamers en Luukse Stel in die Hoofhuis
Die dubbelkamers het ekstra lang of standaard beddens met privaat badkamers. Alle kamers het vloerverhitting in die badkamer en 'n verhitte handdoekreling.  Elke kamer het sy eie ingang, eie stoep met asemrowende uitsig oor Valsbaai en Kaappunt. Verder ook sateliet-TV (DStv-pakket), DVD & CD-speler, plafon-waaiers, paneel-verwarmers en gratis Wi-Fi. Daar is ook geriewe vir die maak van tee/koffie en 'n mini-kroeg, 'n kluis en toegang tot die swembad, braai- en lapa-gebied. Alle kamers word daagliks gediens en 'n stewige of ligte ontbyt is ingesluit.

Die luukse stel bestaan uit twee kamers. 'n Woonkamer met 'n privaat ingang, asook sateliet-TV (DSTV-pakket), DVD & CD-speler, vloerverhitting, geriewe vir die maak van tee/koffie, 'n rooster, 'n mini-kroeg, gratis Wi-Fi en 'n kluis. Die slaapkamer het 'n koningin-grootte bed wat ekstra lank is, 'n plafonwaaier, lugversorging, vloerverhitting,'n privaat balkon met 'n asemrowende uitsig oor Valsbaai en Kaappunt. Die privaat badkamer het 'n losstaande bad en 'n aparte stort met 'n uitsig oor die Hottentots Hollandberge. U het toegang tot die swembad, braai- en lapa-gebied. Die kamers word daagliks gediens en 'n stewige of ligte ontbyt is ingesluit.

Wyn en Etes Met Skouspelagtige Uitsig
Die intieme eetkamer van Lalapanzi Lodge is hooggeleë bokant Valsbaai, met van die asemrowendste uitsigte in die Weskaap. Hier kan u rustig ontspan met 'n bottel wyn van een van die plaaslike wynkelders. Word verder bederf met die watertandlekker maaltye, berei met die seisoenale bestandele van die distrik.

Kongresse, Funksies en Geleenthede
Lalapanzi Lodge is die ideale plek vir enige geleentheid. Ons hanteer alle geleenthede, vanaf mini-kongresse tot klein huwelike (Maksimum 24 gaste). Die gastehuis kan op verskillende wyses gebruik word, afhangende van u behoeftes. Ons het 'n ten volle toegeruste konferensiekamer (maksimum 18 persone). Daar is 'n knus woonkamer vir meer informele byeenkomste of wegbreek-sessies met 'n groot stoep wat gebruik kan word vir besigheids-etes.