Dié woonstel is in Diasstrand op die Tuin- en Walvis-roete geleë tussen Hartenbos en Mosselbaai. Dit is in 'n sekuriteitskompleks met volledige toegangsbeheer en sekuriteit. Daar is ‘n hysbak in die verdieping gebou.

La Palma C12 is op die eerste verdieping (net bo grondvlak) en bied slaapplek vir 5 gaste in 2 slaapkamers. Die eerste slaapkamer is ingerig met 'n dubbelbed, en die tweede kamer het 'n dubbelbed en enkelbed.
Die badkamer beskik oor 'n stort-oor-bad, en die kombuis is volledig toegerus met 'n wasmasjien, tuimeldroër, mikrogolfoond, stoof en oond en yskas.

Vanaf die woonstel is daar gedeeltelike see-uitsig en hoor jy die branders breek, terwyl jy 'n vleisie oor die kole braai by die ingeboude braai op die balkon.

Die Strand, Waterwurm, Verhitte Swembad, Geriefswinkel is tussen 50 en 100m vanaf die woonstel. Die Langeberg Mall, is alles net 1,5 km vanaf die woonstel.

Daar is veilige onderdakparkeerplek vir 1 voertuig. DStv is beskikbaar - gaste moet hul eie dekodeerder, koppelstukke asook simkaart saambring. Ons voorsien linne, maar gaste bring hul eie handdoeke.
Rook is verbode in die woonstel.

Please Note: La Palma C12 gebruik voorafbetaalde kaart-elektrisiteit, waarvoor gaste self verantwoordelik is.