Kostaplenti is in Natures Valley geleë wat omring is met inheemse bosse, berge, die strandmeer en die see. Kostaplenti is uniek geleë, slegs 30 meter vanaf die strand en regoor die winkel/restaurant.

Die verblyf bestaan uit twee eenhede wat afsonderlik gehuur kan word.

Eenheid A: Die hoofhuis bestaan uit 6 slaapkamers en 6 badkamers (4 privaat) met slaapplek vir 12 persone. Dit is 'n dubbel-verdieping. Die boonste verdieping het 3 slaapkamers en 3 badkamers (2 privaat). 'n Groot woonkamer, eetkamer, kombuis, 'n dek rondom en ook 'n dek in die bome (derde verdieping), met verstommende uitsig op die berg en die see. Die grondvloer het 3 slaapkamers, 3 badkamers (2 privaat), woon/eetkamer, kombuis/waskamer. Daar is 'n braaigebied en 'n dwarslêer-tafel vir 16 persone onder die melkhoutbome.

Eenheid B: Die woonstel vir 8 persone. Dubbelverdieping. Boonster vloer met 2 slaapkamers, 1 badkamer, 'n woon/eetgebied en 'n oopplan kombuis wat lei na 'n dek. Die grondvloer het 2 slaapkamers wat 'n badkamer deel. Dit het sy eie braaigerief en parkering is heeltemaal privaat en weg van die hoofhuis; alhoewel die woonstel die buite waskamer, met 'n groot wasmasjien en tuimeldroër, met die hoofhuis deel.

Kostaplenti is 'n moderne selfsorg-verblyf, wat werklik, 'n baie gerieflike en ontspannende vakansie, met al die tuisgeriewe, bied.

'n Besoek aan Kostaplenti stel die gaste in staat om die baie voëls op die eiendom te geniet. Die Knysna-loerie is 'n gereelde besoeker, saam met nog baie ander. Bosbokke word ook dikwels gesien.

Natures Valley word erken as een van Suid-Afrika se 20 beste strande, met die gevolg dat daar 'n lewendige atmosfeer gedurende skoolvakansies heers. Tog is dit baie stil en rustig gedurende die res van die jaar. Geleë slegs 29 km vanaf Plettenbergbaai wat spog met baie goeie restaurante en winkels, het gaste die beste van twee wêrelde.