Geleë op 'n privaat wildsplaas, net 290km. noord van die OR Tambo Internasionale Lughawe en buite Vaalwater in die malariavrye Waterberg biosfeer. Izintaba bied selfsorg-verblyf in 6 luukse, ten volle toegeruste selfsorg-kothuise. Met slaapplek vir 4 tot 14 persone bied Izintaba die perfekte samesyn vir groepe, of vriende, of gesinne, intieme huwelike, romantiese bos-wegbreke, of net 'n welverdiende wegbreek-naweek. Izintaba wildsplaas bied aan gaste die vryheid om die bos te geniet in hulle eie tyd en behoeftes, hetsy vir stap, bergfiets-ry, hengel, voëlkyk of wildsritte op ons 1200 ha wildsplaas.

Izintaba (beteken: 'n Plek in die berge). Dit is die tuiste van 'n groot verskeidenheid voëls, al die gewone vlakte-wild, van die kameelperd tot rooibokke en ontelbare spesies van reptiele en insekte. Die gebied is geseën met 'n matige klimaat dwarsdeur die jaar en is malariavry. Laat die spanning van die stad agter en kom geniet die vrede en rustigheid in die malariavrye Waterberg-bos.

Verblyf:
By Izintaba glo ons dat 'n verblyf in die bos in styl en gemak geniet kan word.
Die grasdak-eenhede is luuks-gemeubileerd, baie gerieflk, met uitsig oor die tipiese Waterberg-bosveld. Aan die einde van die dag kan die gaste op hulle stoep ontspan, met bewondering van die pragtigste sonsondergange; maak 'n houtvuur in die privaat lapa, kyk na die ongelooflike naghemel en geniet die wonderlike geure en nag-geluide van die bosveld.

Zebra Cottage and Bushbuck Cottage:
Elke eenheid geskik vir 4 persone in 2 slaapkamers met privaat badkamers, ook 'n oopplan woon/eetkamer en kombuis. Zebra-kothuis het 'n solder waar 2 ekstra persone kan slaap.

Kudu Cottage:
'n Groter dubbelverdieping-eenheid met slaapplek vir 8 persone in 4 slaapkamers met privaat badkamers. Ook 'n oopplan woon/eetkamer en kombuis. Private plonspoel.

Giraffe Cottage:
Oorspronklik gebou as 'n huis, is dit verander in 'n ruim woon-eenheid met 'n oopplan woon/eetkamer en groot kombuis. Dit maak dit baie geriefik en moeitevry vir groot gesins/vriende se samekomste. Gerieflike slaaplek vir 10 persone in 3 groot slaapkamers, een koninggrootte bed, een dubbelbed en een solderkamer met 4 enkelbeddens, ideaal geskik vir kinders. 2 Vol badkamers, beide met 'n stort en 'n bad.

Duiker Cottage:
Duiker-kothuis is geskik vir daardie gaste wat smag na die alleenheid, rustigheid en kalmte van die bos. Geleë op 'n klein rotsagtige rif. Duiker-kothuis bied 'n besonderse uitsig van die omliggende bos en berge vanaf beide die bedekte stoep, oopplan woon/eetkamer en kombuis. Slaaplek vir 4 persone in twee slaapkamers. Een koningsgrootte bed en 2 enkelbeddens en 'n badkamer.

Izintaba Lodge:
Die buitengewone boshuis het slaapplek vir 10 persone in 3 luukse slaapkamers met privaat badkamers. 2 Met koningsgrootte beddens, 1 met 2 enkelbeddens. 2 Ruim slaapkamers, beide met 2 enkelbeddens en 'n gemeenskaplike badkamer. Ons is aanpasbaar en kan aan elke groep se behoeftes voorsien deur ekstra beddens vir kinders te verskaf. Kroeg met pool-tafel en veerpyltjiebord, 'n privaat swembad met 'n grasdak-lapa en 'n braaiplek vir etes - buite.

Al die eenhede het die volgende:
Ten volle toegerus vir selfsorg, met al die breekgoed, eetgerei, beddegoed en handdoeke; 'n 4plaat elektriese- of gasstoof met 'n oond, mikrogolfoond, ys/vrieskas; kaggel in die woonkamer, 'n skadu-stoep; 'n skadu-parkeerplek en grasdak-lapa vir etes buite en 'n privaat braaiplek.

Etes:
Voorbereide etes kan bestel en op 'n daaglikse basis by u eenheid afgelewer word. Doen asseblief navraag i.v.m. ons etes.

Vermaak:
Wildsrit/bosbraai:
Vergesel ons op 'n 2-3 uur begeleide wildsrit op 'n oop Landrover, gevolg met 'n 3-gang aandete rondom 'n knetterende kampvuur by ons bosbraai-terrein, geleë in die middel van die bos onder die Afrika-hemel.

Bergfiets-ry:
'n Goeie netwerk van plaaspaaie stel die fietsryer in staat om die rit in die bos te geniet. Die paaie kan gewoon of vir 4x4 wees. Daar is altyd die moontlikheid om van aangesig tot aangesig met 'n zebra of 'n kamelperd om die volgende draai te kom! Alternatiewelik, die publieke paaie buite die plaas het baie min verkeer en bied langer ritte.

Wildbesigtiging:
Izintaba bied 'n verskeidenheid habitat, van oop vlaktes tot rotsagtige klowe of damme met seisoenale spruite. Dit stel die plaas in staat om 'n wye verskeidenheid van wildlewe te huisves. Gaste kan ons vergesel op 'n oop voertuig vir 'n begeleide wildsrit, of kan in hul eie voertuie na die wild gaan kyk. Die meeste paaie is geskik vir gewone voertuie, maar slegs 'n paar vereis 4x4. 'n Kaart van die plaas word word met u aankoms voorsien.

Stap:
Izintaba bevat 'n wye verskeidenheid van fauna en flora, daarom het ons geen gevaarlike diere nie. Die beste manier om dit alles te belewe, die pragtige toneel te absorbeer en te geniet, is te voet. Daar is baie wildspaadjies en met die meer as 25km van paaie op die eiendom kan u lang en gemaklike staptoere onderneem. Vir die meer energieke, is daar 'n gemerkte staproete af in die pragtige kloof met watervalle en rotspoele in die reënseisoen.

Voëlkyk:
Met die meer as 200 bevestigde spesies in die gebied, kan u die plesier om na voëls te kyk, ontdek. 'n Kontrolelys word op navraag voorsien.

Swem:
Koel af in die groot swembad tussen die granietrotse.

Boom identifisering:
Die plantlewe is baie verskillend a.g.v. die verskillende terreine. Dit is 'n wonderlike stokperdtjie om rond te loop en die verskillende bome/veldblomme te identifiseer met behulp van 'n goeie verwysings-boek.

Piekniekplekke:
Pak 'n piekniekmandjie en geniet die omgewing by een van ons piekniekplekke.

Fotografie:
Daar is eindelose moontlikhede vir die natuur-fotograaf, veral omdat gaste toegang tot alle plekke op die eiendom het.

Hengel:
Bring u eie hengelgerei of gebruik een van ons visstokke om u geduld te beproef teen die babers en kurpers wat in ons dam wag om gevang te word.

Fauna en Flora:
Meer as 40 soogdierspesies kom voor op Izintaba wildsplaas, groot en klein. Dit sluit in: kameelperde, zebra, koedoe, eland, waterbok, blouwildebees, gemsbok, bosbok, blesbok, berg-rietbok, klipspringer, duiker, steenbok, rooibok, bosvark en vlakvark. Roofdiere soos luiperd, bruin hiëna, rooikat, tierboskat, swartrug-jakkals, muskeljaatkat, en die Afrika-wildekat word soms gesien.

Die skugter aardvark, miervreter en ratel kom ook op die plaas voor. Die Waterberg spog met oor die 200 voëlspesies. Dit sluit roofvoëls in, soos die slang-arende, valke en sekretarisvoëls en ook verskillende soorte visvangers, neushoringvoëls en suikerbekkies. Ontelbare spesies van insekte en reptiele kom voor, insluitende die endemiese grootskub-akkedis.

Izintaba bied 'n wye verskeidenheid van terreine en tonele. 'n Seisoenale spruit wat die dam voed, voorsien 'n interessante moeras wat 'n verskeidenheid van watervoëls lok; wye oop grasvlaktes waar wild maklik gesien word; digte bosse en rotsagtige heuwels. Op die noord-oostelike kant van die eiendom is daar 'n ruie beboste perdehoef-vormige rug wat uitkyk op die eindelose reeks van berge en valleie met geen teken van beskawing nie. Dit is onder hierdie rug met sy vele rotsriwwe waar baie seisoenale watervalle gesien kan word.