'n Toevlugsoord van vrede en rustigheid ... en dit slegs 'n paar minute van elke nodige gerief.

Geniet hartlike gasvryheid met vakansie, of besigheid, terwyl u by hierdie lieflike grasdakhuis verwelkom word. Ontspan op die patio wat oor die swembad uitkyk, en luister na die salige geluide van die omliggende natuur, veral die voëls wat in hierdie subtropiese tuin lewe.

Vier luuks ingerigte, en-suite slaapkamers, elk met hul eie ingang... die Delux suite bied die beste bederf met 'n spa-bad. Elke kamer bied alle denkbare luuksheid en gerief met waaiers, verwarmers, gasvryheid skinkbord, sagte perkal linne, verhitte vlekvrye/staal handdoekrelings, TV/radio. Daar is lugversorging in die kamers en Netflix en Showmax.

'n Aparte sitkamer vir gaste en 'n volledige Engelse ontbyt word, of in die elegante eetkamer, of op die patio bedien, waar gaste die pragtige klimaat en natuurskoon van die Kloof-streek kan geniet. Aandete kan op versoek gereël word en 'n wasgoed diens is beskikbaar.

CROESO is ideaal geleë, net 'n paar minute van die M13 en N3 af. Die pragtige strande van KwaZulu-Natal, groot winkelsentrums en toeriste-aantreklikhede is alles binne 20 tot 30 minute se ry. Geniet 'n skilderagtige rit na die Midlands Meander, of net 'n entjie verder, na die majestueuse Drakensberge. Noord-KwaZulu-Natal se natuur reservate is maklik bereikbaar en die Kranskloof natuur kloof en staproetes is slegs enkele minute weg.

Kloof is 550m bo seespieël geleë, dus kan u die lekker hitte van die KZN kus son geniet – sonder die humiditeit! Kloof self, is stapafstand met 'n goeie verskeidenheid winkels, banke, restaurante, gimnasium en die plaaslike besienswaardigheid van 'n "spoorweg-kroeg".

Op besigheid; Kloof is net 'n kort entjie vanaf die sake-sentrums van Hammarsdale, Pinetown, Westmead en New Germany en slegs 20 minute vanaf die Durbanse sake-kern.