Wee Ben is een van 'n klein, uitgesoekte groep van eiendomme, in Southbroom met direkte toegang tot lieflike, uitgestrekte strande. Net 5 minute se stap weg is 'n groot getypoel bekend as "Granny’s Pool", en 'n verdere 5 minute bring jou na die hoof Southbroom, haainet beskermde swemstrand, en strandmeer. ‘n Baie gewilde area vir branderplank ryers, roeiers, wind “surfers” en” kiteboarders”.

Vir gholf entoesiaste is die Southbroom gholfbaan ook net 5 minute weg. Die  pragtige Margate gholfbane is ook naby. Vir fietsry entoesiaste is daar 'n aantal goeie roetes in die nabyheid.

Wee Ben bied 'n gekombineerde eetkamer en leef area wat ruim is, en uitloop op 'n onderdak stoep, met ‘n uitsig oor die see. Die voorste grasperk bied 'n alternatiewe opsie as die strand, vir privaatheid en beskerming teen die wind. Daar is 4 slaapkamers, 3 en-suite met stort, wasbak en toilet, sowel as 'n ekstra badkamer met 'n antieke bad met bal en klou pote. Een slaapkamer, bekend as die “koshuis” het 4 gemaklike enkel beddens. Alle linne word voorsien vir 10 beddens.

Die kombuis is ten volle toegerus met breekware, eetgerei en ‘n skottelgoedwasser. Dit bied 'n dubbele ooghoogte oond,stoof en mikrogolf en genoeg werk spasie. Daar is ook 'n groot wasmasjien en tuimeldroër en voldoende yskas en vrieskas ruimte.

Daar is 'n 32" platskerm televisie en DSTV. Daar is geen hoëtroustel of radio stelsel nie.

Wee Ben het ook 'n inwonende opsigter, wat algemene skoonmaak take hanteer, en kan help met kos maak. Sy is in diens van die eienaar vir baie jare, en is 'n integrale deel van die huis.

Die eiendom het 3 toesluit motorhuise. Sekuriteit bestaan uit 3 “beams” in die tuin, gekoppel aan 'n alarm stelsel, wat onder toesig van 'n gewapende reaksie sekuriteits maatskappy is.

Wat om te bring:  Kruideniersware, handdoeke (bad en die see), visvang toerusting. (let wel: visvang lisensie vereis), houtskool, kaart en bord speletjies, en veerpyltjies.

Ons hoop jy kies Wee ben en kom geniet Southbroom, wat bekend staan as die "pêrel”  van die KZN Suidkus.

BELANGRIKE KENNISGEWING:

Die maksimum aantal gaste is 10, ongeag ouderdom en slaap reëlings. Indien meer gaste arriveer by Wee ben as wat bespreek voor is, en met meer as 10 mense, sal toegang tot die huis geweier word, en 100% van die betaalde gelde sal verbeur word.

Fasiliteite

• Private tuinpadjie lei direk na die strand
• Kombuis is goed toegerus met mikrogolf, dubbel ooghoogte oond en kookplaat
• X3 Yskaste
• X1 vrieskas
• X1 Skottelgoedwasser
• Wasgoed en tuimeldroër op die perseel
• Braai toerusting op die perseel
• X3 Toesluit motorhuise
• Al die parkering op die terrein
• Televisiestel en DSTV
• Satelliet skottel
• Klein toesluit kluis
• Sekuriteit “beams” en gewapende reaksie
• Ekstra  kamer
• Strandmeer en hoof swemstrand (1km weg)
• Uitstekende gholfbaan, kano’s, rolbal en tennisbane (minder as 5 km)
• Reptiel park (minder as 5 km)
• Restaurante (minder as 5 km)