Gwenor's Menage is 'n groot, pragtige, ruim en huislike strand toevlugsoord, ideaal vir familie vakansies. Dit is geleë op 'n prima strandfront perseel in die wonderlike Suidkus dorp, Ramsgate.

Direk aan die voorkant van die huis is 'n gety rotspoel wat ideaal is vir beide kinders en volwassenes om in te ontspan, en as die strand, see en wind te veel raak vir jou, is daar 'n afgesonderde, beskermde swembad vir jou genot.

Gwenor's Menage kan 10 mense akkommodeer. Daar is vyf, smaakvol versierde kamers, 'n dubbelbed in die hoof slaapkamer met sy eie badkamer. Al die ander kamers het twee enkelbeddens per kamer.

Die ruim sitkamer & eetkamer het ‘n ononderbroke uitsig oor die see, met skuifdeure wat lei na 'n onderdak patio en dan op 'n oop stoep, met 'n ingeboude braai area, waar jy jou dors kan les, en die see briesie en pragtige uitsig oor die oseaan kan geniet. Dolfyne en walvisse word dikwels opgemerk. Die huis is nie toegerus met 'n TV, ens nie, maar het 'n satelliet skottel geïnstalleer, en jy is meer as welkom om of toerusting te huur of  jou eie saam te bring.

Die kombuis is ten volle toegerus met alles wat jy nodig het, 'n stoof, mikrogolfoond, 'n kombinasie yskas / vrieskas en 'n bykomende vrieskas. Daar is ook 'n industriële wasmasjien. Daar is genoeg glase, breekware en eetgerei vir 12 persone. Kruideniersware kan gekoop word by een van die talle supermarkte in die area naamlik Spar; Pick 'n Pay en Checkers. Daar is ook 'n Woolworths by die nabygeleë Shelly Sentrum.

Die eiendom is semi ommuur met 'n elektriese heining en die huis is beveilig met 'n alarmstelsel wat gekoppel is aan 'n sekuriteitsmaatskappy. Daar is 'n dubbel toesluit motorhuis met baie ekstra parkering binne die ommuurde / omheinde gedeelte van die eiendom.

Ons huishulp woon op die eiendom en sal daagliks die huis skoonmaak om jou verblyf meer aangenaam te maak.

Daar is 'n promenade  langs die strand en is ideaal vir 'n wandeling of draf. Noord, en 'n kort rit weg, is beide Ramsgate se hoofstrand, wat Blouvlag status het,en 'n kort afstand weg is Ski Boat Bay strand wat ideaal is vir swem en branderplank ry. ‘n 10 Minute se stap suid, met die strand langs, sal jou bring na Southbroom Main Beach en lagune, bekend vir swem, branderplank- en kano ry.

Ons pragtige kusstrook het iets vir almal, pragtige strande, baie top klas gholfbane, uitstekende restaurante en 'n besoek aan die Waffle House is 'n moet! Vir diegene met ‘n  behoefte vir 'n bietjie kleinhandel terapie, is Shelly Sentrum net 20 minute se ry weg met teaters en baie van die bekendste kettingwinkels.

Die Margate lughawe is net 10 minute weg en Durban Internasionale Lughawe is 1 uur weg.