Sunset Lodge is ongeveer 496 km noord van Maputo, op die Barra Point, met mangrove moerasse wat die kalm waters van die Inhambane Bay raam.

Barra is bekend vir sy sport vissery (game fishing) & bote loots van die strand is glad en maklik. Die groot verskeidenheid van onverkende onderwater rotsbanke (reefs) wat vol seelewe is, is ideaal vir snorkel of duik.

Sunset Lodge is ideaal geposisioneer om die sagte seebriesie, wat 'n verfrissende verligting van die soel somer toestande bied, te geniet.

Die Thirsty Parrot restaurant & bar bedien 'n verskeidenheid van heerlike maaltye asook die gewildste mengeldrankies op die dorp. Die onthaal area bestaan uit 'n swembad wat semi rondom strek, met ‘n kroeg diens direk aan diegene wat in die swembad ontspan (groot ringside sitplekke vir dié moet-sien sportgeleenthede) en 'n groot lugtige restaurant & dek area. Dit bied 'n ideale omgewing om die mees skouspelagtige sonsondergange oor die baai te geniet, terwyl jy genotvol aan 'n eksotiese mengel drankie teug.

Verblyf word aangebied in koel, geteëlde chalets met grasdakke. Hierdie ruim eenhede kan 8 tot 10 persone akkommodeer, is ten volle toegerus vir selfsorg en bestaan uit 3 tot 4 slaapkamers, 2 badkamers (waarvan een en-suite), groot oopplan kombuis / sitkamer / eetkamer. Ongeveer 1,5 km vanaf die strand op 'n sandduin, bied die chalets ‘n wonderlike uitsig oor beide die see en die baai van hulle individuele patios en braai areas.

Die "Brick Cottage" wat tot  6 gaste kan akkommodeer, is ten volle toegerus vir selfsorg doeleindes en bestaan uit 2 slaapkamers, stort & toilet, oopplan kombuis, sitkamer & eetkamer. Hierdie’n eenheid is koel en lugtig in die warm somers. Dit het ook sy eie braai area. Neem asseblief kennis dat hierdie eenheid nie naby geleë aan die hoof eenhede is nie en nie ‘n see-uitsig het nie.

Die "Fisherman's Cottage" is ook geleë weg van die hoof-eenhede. Hierdie uitsonderlike eenheid akkommodeer 2 gaste (2 enkelbeddens). Dit bestaan uit 'n slaapkamer, stort, toilet, wasbak, oopplan kombuis / sitkamer. Dit is ten volle toegerus vir basiese selfsorg akkommodasie. Neem asseblief kennis dat dit nie 'n see-uitsig het nie.

Al die basiese geriewe word verskaf, insluitend 'n gasstoof, elektriese yskas, 'n vrieskas, rooster, ketel, potte, panne, breekware, eetgerei, gereedskap en linne. Alle kamers is toegerus met muskietnette.

Fasiliteite

• Swembad,
• Restaurant,
• Kroeg
• Wassery Diens,
• 24 Uur sekuriteit,
• DSTV in Kroeg Area,
• Veilige parkering,
• Private Lapas en braaiplekke,
• Lughawe Pendel diens

Aktiwiteite

Die volgende aktiwiteite is in die nabyheid:

• Duik
• Snorkel
• Pansy Eiland Trips
• Diepsee hengel
• Dhow ritte in die Inhambane Hawe
• Plaaslike Curio Markte
• Oseaan Safaris
• Vierwiel Motorfietse (Quads)
• Begeleide Roetes

Bykomende Info

Gaste word versoek om hul eie handdoeke, wasgoed seep & skottelgoed seep te bring.

Gaste word aangeraai om te reis in 'n 4x4 of 2x4 voertuig met 'n ewenaarslot. Ons stel nie voor dat u met 'n motor kom nie. ‘n Hoë (raised) 4x4 voertuig met 'n ewenaarslot sal u die vryheid gee en in staat stel om die pragtige omgewing te verken en direk by die lodge te kom, sonder moeite.

Gaste word aangeraai om 'n flitslig te bring:

Muskietafweermiddel

Ligte katoen klere vir die warm somermaande

'n Warm top vir die koel aande gedurende die wintermaande