Meermin Cottage is ‘n ruim netjiese Selfversorgende eenheid in Kaap St. Francis in die Ooskaap.

Dit is 125 kilometer van Port Elizabeth lughawe en op die tuinroete na Kaapstad.

Die eienaars is gasvry en hulpvaardig om gaste tuis en welkom te laat voel.

Die eenheid kan vyf persone huisves en bestaan uit:

‘n Privaat ingang

Hoofslaapkamer met ekstra lengte dubbelbed, kraakvars linne, bedkassies, lampe en hangkas.

Sitkamer area met twee enkelbeddens, gemakstoele, koffietafel, bedtafeltjies, laaiekas, TV en DVD speler.

Kombuis is ten volle toegerus met ‘n mikrogolf, ys en vrieskas, eetgerei, elektriese braaipan, rooster, oond en ‘n brandblusser.

Sonkamer met glasvensters wat uitkyk op ‘n tuin. Dit is toegerus met ‘n eetkamerstel, enkelbed en gemakstoele . . . ‘n lekker leeshoekie!

Badkamer met stort, toilet, wasbak en sagte badhandoeke. ‘n Buitestort met warm water is ook baie gerieflik vir afspoel na ‘n oggend op die strand.

Strandhandoeke word nie voorsien nie.

Braaiplek en tuin Die groot braai area in die tuin beskik oor heerlike koelte bome met ‘n groot tafel, stoele en alle braai gereedskap . . . gereed vir gesellige vakansie kuier.

Parkering daar is onderdak parkering vir twee motors wat beveilig word deur alarm “beams”

Sekuriteit - die eenheid het sy eie alarm stelsel

Meermin Cottage is ‘n nie rokers area en troeteldiere word nie toegelaat nie


Interressante aktiwiteite om in die omgewing van Meermin Cottage aan deel te neem

1. Die see met sy drie kilometer lange strand van fyn wit sand is twee minute se stap van Meermin Cottage. Dit strek van die vuurtoring tot by Shark Point.

2. Die vuurtoring is ‘n nasionale monument wat in 1878 voltooi is. Dit is beslis ‘n besoek werd in die dag, asook in die aand.

3. Verskeie pragtige voetslaan en fietsry paaie bied geleenheid om die fynbos, bosbokke, grysbokkies, voëls en ander diersoorte te leer ken en skouspelagtige uitsigte van rotse en see te geniet.

4. Daar is baie restaurante, koffie kroeggies en ander winkels in die omgewing wat jy op jou tyd kan ontdek en jou voorade aan te vul.

5. Die interressante klein hawe met vissersbote, seiljagte en Tjokkabote is by Port St. Francis. Vanaf die hawe kan jy op ‘n hengel ekspedisie gaan of ‘n walvis en dolfyne besigtings vaart meemaak. Daar is ook ‘n klein boot hawe waar vandaanjy kan vertrek op ‘n kanaal of rivier.

6. Kaap St. Francis is wêreld bekend vir branderry. Daar is ook goeie hengel plekke. Die strand is veilig vir swem en daar is lewensredders aan diens tydens die somer vakansie tyd. Ander watersport kan ook geniet word.

Ons is ook trots op ‘n binnehuise verhitte swembad waar jy kan oefen of water arobiese klasse kan bywoon.

7. Vir golfers is daar twee luukse golfbane in die omgewing beskikbaar, asook twee ander binne 30 kilometer.

8. ‘n Goeie pot tennis kan ook op die twee bane in Kaap St. Francis gespeel word. Daar is meer bane in St. Francisbaai asook muurbal bane.

9. Fietsry entoesiaste en drawwers het ‘n keuse van verskeie pragtige roetes.

10. Lombardini wildsplaas is 30 kilometer ver en bied wildsritte aan.

11. Mediese dienste, skoonheids - en masseer salonne is beskikbaar.

12. ‘n Privaat lughawe, 15 kilometer van Kaap St. Francis kan by St. Francis Fields (Airpark) gebruik word.