Juanita is 'n pragtige kompleks, strategies geleë regvoor op die strand. 'n Pragtige eenheid met vier slaapkamers, vier badkamers met 'n manjifieke leef- en eetarea, asook 'n volledig toegeruste kombuis met 'n tiensitplek ontbyttoonbank, mikrogolfoond, stoof, yskas/vrieskas, skottelgoedwasser, wasmasjien en tuimeldroeer vir jou gerief. Wasgoedlyne is op die perseel beskikbaar.

Die pragtige tuin lei direk na die strand toe, daar is geen gevaarlike paaie wat jy hoef oor te steek nie. Margate se sakeksentrum, hoofstrand, restaurante en die visvangpier is alles net sowat tien minute se stap weg.

'n Sprankelende varswater-swembad en 'n gemeenskaplike braai-area is albei op die perseel geleë vir jou gerief. Indien jy in die gerief van ons eenheid wil braai, bied ons 'n gasbraai en 'n agtsitplektafel op 'n ruim balkon met asemrowende see-uitsigte waar dolfyne en walvisse gereeld gesien word. Mens kan tot laat in die nag ontspan en 'n pragtige sonsondergang geniet.

Die eenheid is toegerus met plafonwaaiers in al die kamers en leefarea. Ons voorsien ook 'n TV met n volledige DSTV pakket. Linne word voorsien, maar ons vra asseblief dat jy jou eie strandhanddoeke saambring. Twee veilige, onderdakparkeerplekke is ingesluit. Skoonmaakdienste is slegs op versoek beskikbaar.

Ongelukkig word geen student, matrikulante of diere toegelaat nie.