Geleë in die Noordelike Drakensberge, halfpad teen Oliviershoekpas af, tussen Little Switzerland en Alpine Heath, hoog in die berge op 'n 4x4-baan, is die plaas Ingwe genestel.

Skouspelagtige goue sandsteenkranse wat hemelwaarts reik, steil valleie met kristalhelder strome en rotspoele, rotsagtige klowe met baie boomvarings, broodbome en allerhande pragtige inheemse plante, omring deur woude van geelhout en rollende grasvelde.

Dit is moontlik om die Kransaasvoëls te sien broei in die kranse, vanaf die oop dek van die kothuis, en met talle ander voël en wild spesies is dit werklik 'n voëlkyker, stapper en natuur liefhebber se paradys.

Slegs een selfsorg kothuis op 'n 4x4-baan (graad 1 tot 3, afhangende van die hoeveelheid reën, “low range”  nie noodsaaklik nie en 180mm grondvryhoogte voldoende) nie moontlik met ‘n motor nie. Jy is verseker van jou privaatheid in die ongerepte deel van die Berg, behalwe vir vrylopende Elande, Bosbokke, berg Rheebok, Wilde bobbejane en 'n oorvloed van voëllewe om jou gemoedsrus te versteur.

Die kothuis akkommodeer 6 persone en bestaan uit twee slaapkamers, een met 'n koningin-grootte bed, een met 2 enkel beddens asook 'n bunker bed in die leefarea. Een badkamer met 'n bad, wasbak en spoeltoilet. Oop plan sitkamer met kaggel en ten volle toegeruste kombuis.

Buite: dek, lapa, stort, spoeltoilet en onderdakparkering.

Sonkrag aangedryfte ligte en gas-stoof, -fridge & -geysers maak voorsiening vir die nodige gerief. ‘n Houtvuur donkie verskaf warm water na die buite stort. Al wat jy hoef te bring is jou kos, drankies, houtskool en vuuraanstekers, ys, verkyker, stapskoene en 'n goeie boek vir reëndae.