Is u op soek na n diere- en kindervriendelike wegkomkans uit die stad?  Kom gerus na die lieflike dorpie De Kelders, geleë net buitekand Gansbaai!  Ganders & Geese is ‘n ten volle toegeruste selfsorg-huis en bied aan u twee gemaklike en ruim en-suite kamers (geen baddens, net storte) met dubbelbeddens.  Daar is ook n ekstra ‘stacker’ bed in die sitamer vir nog twee gaste.  Die huis slaap 4, maksimum 6 gaste (2 "trundle" beddens wat geskik is vir kinders in die sitkamer). 

Die huis is vrystaande en besoekers het die gebruik van die hele huis en eiendom.  Ingesluit in die prys is Wi-Fi, Netflix, Showmax en ander internet TV, koffie, tee, ‘n Dolce Gusto en Nespresso koffie masjiene en n kluis.  Gansbaai en die Overstrand bied wonderlike stap en klim-roetes op die krans-paaie en fynbos heuwels, wynproe, voëlkyk, haai-hok duike, walvis-boot-toere, verken verskeie grotte, walvisse en ander seelewe, MTB, 4x4, heelparty Nasionale Parke en uitstekende visvang-opsies. 

Die huis is toegerus met n elektriese heining, alarms, buite alarm sensors, ysmaker, wasmasjien, tuimeldroeër, drie lugverkoelers – een in die sitkamer en in beide kamers, skottelgoedwasser, n ten volle uitgeruste kombuis en n 90cm stoof/oond vir diegene wat lief is vir kook.   Ons voorsien ook twee honde-beddens en honde-bakke.  Honde is baie welkom oral in die huis en in die erf, maar nie op die meubels, asseblief.   Ganders & Geese bied ook TWEE braai-areas – een binne-braai en een buite op die stoep.  Ons voorsien ook al die braai-toebehore. 

Daar is verskeie klein winkels en ook twee groot supermarkte in Gansbaai om al u kruideniersware en braaihout te koop.  Daar is ook heelparty drankwinkels, wynplase en Craft Bier vervaardigers vir daardie heerlike Saterdag-skemerkeltjies.   Die huis bied ook strandhanddoeke, piekniek eetgery en glase, opvou-stoele en n strand-sambrele vir daardie heerlike strand-dae in Franskraal of Die Plaat.  Daar is ‘n verskeidenheid leesboeke en bord-speletjies vir die wat nie wil TV kyk nie en net wil afskakel met n lekker boek.  Gansbaai bied n groot verskeidenheid Restaurante, baie ook troeteldier-vriendelik.   Die area is bekend vir natuurskoon, staproetes, pragtige strande en krans-paadjies vir mens en dier.  Daar is n heerlike ‘green belt’ reg agter die huis vir u honde, maar daar word versoek dat honde hier op band gehou word (daar is baie skilpaaie, Kiewiete en ander natuurlewe). 

De Kelders is geleë  ongeveer 3 km van die stil stranddorpie Gansbaai, met sy pragtige strande, twee hawens en opwindende visvang-areas.  In die lente hoef jy nie ver te soek om spelende walvisse en hul kalfies te sien vanaf die rotse en kranse van De Kelders nie.  Die huis bied n groot omheinde erf en elektriese hek, heerlik en veilig vir kinders en troeteldiere.  Agter die huis is ook n ektra groot honde-hok indien u diere deur die dag vir n rukkie alleen moet bly terwyl u op n uitstappie is.  Ganders & Geese bied ook n lieflike uitsig van die Gansbaaiberg in die agterplaas.   Die huis is perfek vir n vinnige naweek-wegbreek van die stad of vir n heerlike rustige Desember vakansie weg van al die stad se geraas – dis maar twee-uur se reis vanaf Kaapstad.