Hierdie eksklusiewe, luukse vakansie-villa bied selfsorg verblyf, ook privaatheid en gerief. Bekroon met die gesogte 5-ster gradering van die SA Toeriste Graderingsraad, is Earlsviev Villa geleë in Brackenridge, Plettenbergbaai, 'n 24 uur sekuriteits-gekontroleerde landgoed in 'n natuurreservaat. Die Villa is eko-vriendelik en die oopplan woonspasie bied 'n pragtige uitsig oor die Indiese Oseaan, Tsitsikamma bergreeks, Robberg Natuurreservaat, Beacon Isle Hotel en Plettenberg Bay Country Club. Dit is 'n paar minute se reistyd vanaf Plett's se ongerepte strande, inkopiesentrums en al die gewilde aantreklikhede.

Die Villa bied onoortreflike luuksheid vir gaste gewoond aan gesofistikeerde byderwetse ontwerp en dekor. Dit is smaakvol gemeubileerd en toegerus tot die hoogste standaarde. Die ruim woongebied vloei na die groot sonnige swembad-dek. Ideaal vir onthale, is die dek volledig met 'n buite gasbraaier, die oorvloei-soutwater-swembad en Jaccuzzi. Ook son-dekstoele om in te ontspan en die skilderagtige uitsig en skouspelagtige sonsondergange te geniet.

Die vol toegeruste kombuis spog met 'n ontbyt-hoekie, 'n sentrale eiland, groot voorbereidings-gebied en is gemeubileerd met die nuutste apparate, insluitende 'n gasstoof, dubbeloond, instap-koelkas, ys/vrieskas, ysmaker, wyn-yskas, konveksie-mikrogolfoond, koffiemasjien, ketel en ander apparaat om in elke behoefte te voorsien. 'n Apparte spens en waskamer met 'n skottelgoedwasser, wasmasjien en droër.  

Die eet en woonkamer is sonnig en ruim en vloei naatloos na die swembad-dek d.m.v. groot glas-voudeure. Die eetgebied is ten volle toegerus met 'n doelgemaakte hardehout-tafel met 8 stoele. Aangrensend aan die woongebied is daar 'n wynkelder met 'n eetgebied, 'n instap ys/vrieskamer en 'n wyn-verkoeler.

'n Aparte Tv-woonkamer met groot leerbanke, vertoon die hoogste kwaliteit Audio-visuele tegnologie saam met 'n plasma-Tv met volle DSTV as ook 'n Bli-Ray DVD-speler. Dit saam met die beste Marantz klanksisteem, 'n deftige teaterskerm en projekter, sal selfs 'n stil nag tuis, verander na 'n onvergeetlike aand van filmkyk. Die gaste-badkamer is volledig met smukhoekie, stort en toilet.

Die villa slaap 12 persone (8 volwassenes en 4 kinders) in vyf ruim slaapkamers, almal ellegant gemeubileerd met eie badkamers. 4 Van die 5 kamers lei na die swembad-dek, boonste dek of stoep, met 'n asemrowende uitsig oor die omgewing. Konings-grootte ekstra lang beddens wat verander kan word na 2 enkelbeddens met die beste kwaliteit linne. Die genoegsame kas-spasie, digte gordyne, musiek in al die kamers, verseker 'n luukse en geriefkike verblyf. Die badkamers het vloerverhitting, verhitte handdoekrelings, bad, stort, dubbel wasbakke. Hoofslaapkamemr het ook 'n aantrekkamer, eie sitgebied met 'n gaskaggel, ook 'n weelderige spa-bad en stort met beskermde uitsig oor die vallei en see. Die 5de slaapkamer het 2 kajuit-beddens en 'n slaapbank.

Personeel-kwartiere met 'n eie ingang is toegerus met 'n kombuisie, enkelbed en 'n terugvou-slaapbank, Tv met basiese DSTV, eie stort en toilet. Daar is 'n groot stoorkamer in die inter-verbinde, trippel-toesluit-motorhuis wat ontwerp is met ekstra lengte en hoogte vir groter voertuie en 'n boot.

Daar is verskeie natuur-wandelpaaie wat goeie geleenthede, dwarsdeur die landgoed bied, om vars lug in te asem - daardie gevoel van vryheid, tussen die massas fynbos, die baie voëls en klein diertjies, te ervaar.

Ander kenmerke:

• Al die onderste kamers is toeganklik vir rystoele met net een trap na die swembad se dekgebied.
• Die oorvloei-soutwater-swembad is bedek met 'n veiligheidsnet.
• Ook die jacuzzi is bedek
• Buite stort
• Naglig met bewegingsensor
• Kluis in die hoofslaapkamer
• Slegs veilig vir babas jonger as ses maande en kinders ouer as vyf jaar vanweë die lae oop vensters, oop balkonne en trappe
• Toerusting vir kinders: kot, hoë stoeltjie, stootkarretjie
• Lakens, beddegoed en handdoeke (bring asseblief u eie strandhanddoeke)
• Huiswerker: Bring asseblief u eie huiswerker(s). 'n Huiswerker kan ook gereël word teen 'n ekstra koste
• Geen rook word toegelaat nie
• Geen troeteldiere word toegelaat nie