Deelfontein Gasteplaas, geleë tussen twee hoë rante in die hart van die Vredefort Koepel Natuurerfenisgebied, bied ´n verskeidenheid van self-sorg akkommodasiemoontlikhede.

Ervaar die stilte in die afsondering van hierdie natuurlike berggebied net 140km vanaf Johannesburg. Die Koepel het ´n eenmalige geologie, as die grootste en oudste meteorietimpakformasie op aarde. In die bosveldbedekte berglandlandskap sorg uiteenlopende biotope vir ´n groot verskeidenheid van insekte, voëls en wild. ´n Verskeidenheid van aktiwiteite is moontlik, van voetslaan, fietsry en draf tot voëlkyk en sterrekyk.

Verblyf word in twee gastehuise, ´n rondawel en ´n boskamp aangebied. Die geriewe is ontwikkel om die impak op die omgewing te minimeer, en volhoubare tegnologiese oplossings sluit byvoorbeeld beplante dakstrukture, waterlose kompostoilette, songeysers en onafhanklike elektrisiteitsvoorsiening in. Afsonderlike seminaargeriewe in ´n groot saal en twee kleiner seminaarkamers is beskikbaar vir funksies of aanbiedings.

Op Deelfontein word veeteelt met inheemse rasse bedryf. Besoekers is welkom om per afspraak die Ngunibeeste, Damaraskape en inheemse veldbokke te besigtig, wat veral by kinders gewild is. Honde is welkom, mits hulle onder beheer gehou word. Bring asseblief geskikte dekens saam om beddegoed en meubels te beskerm.

Gastehuise

Twee plaashuise, ongeveer 300m vanmekaar, voorsien gerieflike self-sorg akkommodasie vir 14 en 16 gaste. Die sewe slaapkamers in elke huis, elk met ´n eie badkamer, is volledig toegerus met beddegoed en handdoeke, en die kombuise met messegoed, breekware, potte en panne, gasstowe, en vries/yskaste. Braaigeriewe is onderdak en in ´n boma of langs die swembad beskikbaar. Die akkommodasie is ideaal vir familiefeeste of soortgelyke groepsbyeenkomste.

Daar is geen telefoonontvangs of televisie beskikbaar nie. Kommunikasiemoontlikhede in noodgevalle is per afspraak moontlik. Skoonmaakdienste en vuurmaakhout word nie voorsien nie.

Rondawel

`n Rondawel met woonkamer, kombuis met gasstoof en yskassie, ´n badkamer met stort, en ´n dubbelbed in die dak op ´n tussenvlak wat met ´n leer bereik word, bied rustikale akkommodasie vir enkelinge of pare. Daar is braaiplek en buitemeubels onder ´n groot ou witstinkhoutboom.

Daar is geen telefoonontvangs of televisie beskikbaar nie. Kommunikasiemoontlikhede in noodgevalle is per afspraak moontlik. Skoonmaakdienste en vuurmaakhout word nie voorsien nie.

Boskamp

Die boskamp bied tipiese stappershuisvesting, en is die Deelfontein stapperskamp van die Meteoriet Staproetes, ´n drie-dag oornagroete. Dit bestaan uit drie grasdakhutte, ´n lapa, ´n boma, en toilette, weggesteek tussen die inheemse bosveldbome. Die kamers is toegerus met dubbeldekkerbeddens met matrasse en eenvoudige hang- en pakgeriewe vir 16 persone. Elke hut het sy eie stort en wasbak, voorsien van koue en warm water van twee donkies. In die lapa is daar onderdak braaiplek, ´n gasstoof, opwasgeriewe, en sitplek met tafels. ´n Basiese stel potte en panne en ´n ketel word voorsien, asook elektriese ligte. Die boma voorsien sitplek om ´n kampvuur. In die somer kan besoekers in die swembad afkoel.

Daar is geen telefoonontvangs of televisie beskikbaar nie. Kommunikasiemoontlikhede in noodgevalle is per afspraak moontlik. Skoonmaakdienste en vuurmaakhout word nie voorsien nie. Daar is geen elektrisiteit nie, en besoekers moet eie beddegoed, handdoeke, toiletpapier en opwasmiddel saambring.

Geriewe op Deelfontein

• 15m swembad by gastehuis
• Veilige parkering
• Seminaarkamers en saal vir funksies
• Verskeie braaiplekke
• Sterrewag (sien onder)
• Staproetes
• Bergfietsroetes

Aktiwiteite

Koel in die groot swembad af, of verken die omgewing met die groot verskeidenheid korter en langer staproetes. Die Meteoriet Staproete bied oornagstapgeriewe aan. Ongeveer 20km opwindende bergfietsroetes bied uitdagende oefenmoontlikhede vir professionele fietsryers asook makliker opsies vir families. Die Koepel is ´n voëlkykparadys, en die voetpaadjies maak ´n verskeidenheid van habitatte vir voëlkykers toeganklik. Die Koepel spog met die donkerste naghemel naby Johannesburg en Pretoria. In die goed toegeruste sterrewag is sterrekyk teen ´n addisionele fooi moontlik, maar slegs met vooruitbespreking en slegs in die wintermaande. In die nabye omgewing is perdry, visvang en rivierritte moontlik. Kontak asb. aanbieders in die Parys-omgewing.

Padaanwysings: Gebruik Deelfontein Guest Farm op Google Maps om Deelfontein se ingang te bereik. Op die plaas dui wegwysers die pad aan. Volledige geskrewe padaanwysings is op www.deelfontein.co.za verkrygbaar.Vir gedetailleerde aanwysings sien hieronder: