'n Wonderlike plek om te ontspan !!!!!

Ontspan en rus in hierdie tradisionele styl bungalow, geleë in 'n rustige oord met ‘n uitsig oor die skilderagtige dorpie Hibberdene, op die Kwa Zulu Natalse Suidkus, ongeveer 90 km vanaf Durban.

Terwyl jy ontspan en die natuurlike omgewing en see-uitsig geniet, kan jou kinders met hulle fietse die ruim oord verken, wat geleë is onder bome,met baie voëllewe, vrede en rustigheid.

Hierdie akkommodasie het die basiese wat nodig is vir vakansie lewe. Dit het een slaapkamer en 'n slaapbank in die sitkamer, 'n kombuis met ‘n mikrogolf en yskas, 'n badkamer en 'n patio.

Die swemstrand is ongeveer 2km per pad en kan bereik word deur 'n kort stappie deur ‘n natuurlike omgewing, onder die pad en spoorlyn, op die sand van 'n pragtige strand wat met internasionale Blou Vlag status kan spog, beskerm deur haainette en lewensredders aan diens.

Die Suidkus het uitstaande gholfbane, krokodil parke, wonderlike duik plekke, die skilderagtige Oribi Gorge met 'n hoë SWAAI vir die dapperes, en die Banana Express stoomtrein.

Die akkommodasie kan ‘n maksimum van 4 mense akkommodeer en is beskikbaar vanaf 14:00 op die dag van aankoms tot 10:00 op die oggend van vertrek. Hierdie tye is onderhandelbaar, afhangende van besprekings ontvang. Buite seisoen tye deur reëling. 'n Perfekte wegkruipplek of wegkom bestemming!