42thebridge-afr

Akkommodasie

Die eenheid is geleë op die 1ste vloer, en bestaan uit 3 slaapkamers, 2 badkamers (hoof en-suite), ‘n oopplan sitkamer en eetkamer, 'n onderdak balkon en kombuis. Die eenheid word daagliks gediens,is ten volle toegerus insluitendende linne (sluit nie handdoeke in nie), en is lugverkoeld.

Akkommodeer 6 mense soos volg: (1 dubbelbed en 4 enkel beddens). ‘n Vrieskas is beskikbaar en DStv (beperkte kanale), die kompleks is luuks, met 24-uur sekuriteit, ‘n tennisbaan, swembad, muurbalbaan, wassery, en 'n kaai op die vleiland (“estuary”).

St Lucia

St Lucia is die ideale plek om weg te kom van alles en te ontspan in die rustigheid van die natuur, maar met moderne geriewe naby. As jy lief is vir visvang en die natuur en pragtige rustige strande, dan is dit die plek om te wees.

St Lucia is 'n klipgooi weg van die “World Heritage site” die "Greater St Lucia Wetland Park" en binne 50km van die Umfolozi / Hluhluwe Natuur Reservaat. Dit is 'n ideale basis om die pragtige toeriste aantreklikhede en natuurskoon te verken.

Die St Lucia dorp het restaurante, kroeë, winkels wat van visvang tot boetieks insluit.

Die Greater St Lucia Wetland Park

As snorkel, voëlkyk, spies visvang (“spear fishing”), wilds-besigtiging, en terugkeer na die natuur jou gelukkig maak, sal jy 'n uitstappie na Kaap Vidal baie geniet. ‘n 32 Km lang teerpad neem jou deur die natuur reservaat, wat met 4 van die Groot 5 spog. Die pad sal jou tot by een van die beste snorkel plekke aan die kus bring.

Met die skoonheid van die natuur rondom jou, sal jy in staat wees om pragtige voëls te sien, soos die “Livingston”, “Purple and Crested” Loerie, Visarend en die “Goliat Heron”, om net 'n paar van die meer as 500 spesies voëls in die gebied te noem.

Ander aktiwiteite

Uitstekende hengel vanaf die rotse en die strand. Walvisse kyk in die winter maande. Diepsee hengel, Skilpad toere (November-Januarie), en Krokodil- en Seekoei toere.